tenpo suli la jan li lon. taso, ijo suli li tenpo lili taso.
tenpo suli la mi mute li seme?
jan li lon tomo pi lupa kiwen, li kulupu lon seli, li pilin monsuta tan ijo pi sona ala.
jan li pilin nasa lili tan ni: suno li kama tan seme? taso ona li pilin nasa mute tan ni: waso suli li jo e lawa jan, kiwen li jo e pilin.
ni la, ona li "ijo sewi" tawa mi mute. jan mute li toki e ni: sewi o pona tawa mi!
tenpo suli li pini la, ijo monsuta li kama mute ala, mi mute li kama mute.
tenpo ni la, mi mute li sona e ijo mute. taso, ijo pi sona ala li ken ala lon ala. sewi li wile e ni: ijo pi sona ala li lon.
jan mute o tawa weka ala tan monsuta.
ijo ante li awen ala e mi mute. ni la, mi mute o awen e mi mute.
jan mute li lon suno la, mi mute li lon pimeja, li utala e ijo monsuta, li poki e ona, li weka tan jan mute.
ni la jan mute li ken lon ma pona.
mi alasa, mi poki, mi awen.
― tan jan lawa
-
mi kepeken e SCP Foundation (emblem) tawa sitelen ni. ni la, nasin kepeken pi sitelen ni li CC BY-SA 3.0. ↩
.svg){kind=link}
人気順のコメント（0）