mi ken sitelen e toki Nijon kepeken sitelen pona!

O SONA: tenpo ni la lipu ni li lili li ike.

mi kepeken sitelen pona sama sitelen kalama la mi ken sitelen e toki Nijon kepeken sitelen pona!!

tenpo ni la mi kepeken nasin ni:

mi sitelen e kalama /a/ kepeken sitelen pona "ala".
mi sitelen e kalama /i/ kepeken sitelen pona "ijo".
mi sitelen e kalama /u/ kepeken sitelen pona "uta".
mi sitelen e kalama /e/ kepeken sitelen pona "esun".
mi sitelen e kalama /o/ kepeken sitelen pona "ona".

mi sitelen e kalama /k/ kepeken sitelen pona "kala".
mi sitelen e kalama /g/ kepeken sitelen pona "kalama".
mi sitelen e kalama /s/ kepeken sitelen pona "suli".
mi sitelen e kalama /z/ kepeken sitelen pona "sewi".
mi sitelen e kalama /t/ kepeken sitelen pona "taso".
mi sitelen e kalama /c/ [ts] kepeken sitelen pona "sinpin".
mi sitelen e kalama /d/ kepeken sitelen pona "tu".
mi sitelen e kalama /n/ kepeken sitelen pona "nena".
mi sitelen e kalama /h/ kepeken sitelen pona "awen".
mi sitelen e kalama /b/ kepeken sitelen pona "pi".
mi sitelen e kalama /p/ kepeken sitelen pona "pilin".
mi sitelen e kalama /m/ kepeken sitelen pona "mi".
mi sitelen e kalama /j/ kepeken sitelen pona "jo".
mi sitelen e kalama /r/ kepeken sitelen pona "la".
mi sitelen e kalama /w/ kepeken sitelen pona "wan".
mi sitelen e kalama /N/ kepeken sitelen pona "n".

kalama /Q/ anu kalama suli pi uta open la mi pana e sitelen tu sama ni:
gakkoo = kalama ala kala kala ona ona

... nasin ni la, mi sitelen e toki nanpa wan pi toki pi ken jan pi ma ale (Universal Decralation of Human Rights).

lukin la ni li musi anu seme?