tenpo pimeja pi tomo tawa lon mun mute

銀河鉄道の夜を toki pona に翻訳しました。ぜひ皆さんの考えを聞かせてください。

tan jan Mijasawa Kensi

nanpa wan: tenpo sona lon tenpo pi suno anpa

'... toki jan la, ni li nasin telo, li linja pi telo mama. ali o, ijo ko walo ni li seme?' jan sona li toki tawa jan mute. tenpo sama la, jan sona li pilin e ijo walo kepeken luka. ijo walo li lon sitelen pi mun mute lon sinpin tomo pimeja.

jan Kapana li sewi e luka. jan mute ante li sewi e luka kin. jan Jopan li lukin sewi e luka. taso, ona li pini, li sewi ala e luka. tenpo pini la, ona li lukin e lipu, li sona e ni: ni li mun mute. taso, tenpo lili ni lon tomo sona la, ona li pilin lape, li jo ala e tenpo e lipu. ona li pilin e ni: ona li sona ala e ali.

taso, jan sona li lukin e jan Jopan, li toki.

'jan Jopan o, sina sona kin.'

jan Jopan li sewi e sijelo. taso, ona li ken ala toki. jan Saneli li lukin e jan Jopan, li musi. sinpin lawa pi jan Jopan li kama loje. jan sona li toki kin.

'mi mute li lukin e nasin walo pi sewi pimeja kepeken ilo lukin la, nasin ni li seme?'

jan Jopan li pilin ni: ni li mun mute. taso, ona li ken ala toki kin.

jan sona li ken pilin ike lon tenpo lili, li lukin e jan Kapana, li toki.

'jan Kapana o'

tenpo pini la, jan Kapana li sewi wawa e luka. taso, ona li sewi e sijelo, li toki ala.

jan sona li ken nasa, li lukin e jan Kapana lon tenpo lili, li toki.

'a pona.' ona li pilin e sitelen pi mun mute kepeken palisa luka, li toki.

'mi mute li lukin e nasin walo pi sewi pimeja kepeken ilo lukin la, mi mute li ken lukin e mun lili mute. jan Jopan o, anu seme?'

jan Jopan li kama loje, li anpa e lawa. taso, tenpo sin lili la, ona li kama jo e telo lukin. 'lon. mi sona. jan Kapana li sona kin. lipu li lon ni. tenpo pini la, mi en jan Kapana li lukin e lipu ni lon tomo. jan sona ante pi mama ona li jo e tomo ni. jan Kapana li lukin e lipu ni, li kama jo e lipu suli ante tan tomo lipu pi mama ona, li open e lipu pi nasin walo pi sewi pimeja. tenpo suli la, jan tu li lukin e sitelen pona pi mun mute. ona li ken ala sona ala. taso ona li toki ala tan ni: tenpo lili ni la, mi ike e pali lon tenpo ali, li musi ala lon tomo sona, li toki ala tawa ona.' jan Jopan li pilin e ni la, ona li pilin ike e mi, e jan Kapana.

jan sona li toki.

'nasin walo pi sewi pimeja li nasin telo lon la, mun lili mute li kiwen lili lon anpa pi nasin telo. nasin sewi ni li linja suli pi telo mama la, mun li sike lili pi telo ko lon insa pi telo mama. taso, seme li telo nasin? kon ala li ni. ma sike en suno sike li lon insa ni kin. toki ante la, mi lon insa pi telo pi nasin sewi ni. mi lukin tan insa ni la, weka li lon mun lili mute mute, poka li lon mun ala, sama ni: telo weka li laso, telo poka li kule ala. mi lukin e ijo walo tan ni. o lukin e ilo sama ni.'

jan sona li pilin e kiwen kon kepeken luka. kiwen kon ni li insa e ko ma suno mute.

'nasin walo pi sewi pimeja li sama ni. ko ma ni li ken suno sama suno sike mi. suno en ma li lon insa ni la, sina lukin e ni lon tenpo pimeja la, sina ken ala lukin mute e ko ma suno tan ni: kiwen kon ni li suli. taso, sina lukin e ante ni la, sina ken lukin mute e ko ma suno tan ni: kiwen kon ni li lili. jan sona mute li pilin sama ni. a suli pi kiwen kon ni en mun mute li seme? tenpo sin la, mi wile toki e ni tan tenpo ala. a sina o lukin pona e sewi tan ni: tenpo pimeja ni li musi mun. kama sona pi tenpo suno ni li pini. o weka e lipu tan supa.'

tenpo lili la, kalama tan supa en lipu li lon tomo sona. jan ali li sewi e sijelo, li anpa e lawa, li kama weka tan tomo sona.